2.5. სპეციალური მართვის ელემენტები

სპეციალური მართვის ელემენტის ქვეშ იგულისხმება html კოდის ნებისმიერი ფრაგმენტი შენახული დამოუკიდებელი ფაილის სახით .ascx გაფართოებით. ფრაგმენტი შეიძლება შეიცავდეს კლიენტის სცენარს, ASP.NET-ის კოდს და სერვერის მართვის ელემენტებს. ფაქტობრივად ეს არის დამოუკიდებელი პროგრამა, რომელიც შეიძლება გამოყენებული იქნეს სხვადასხვა გვერდზე.

ASP.NET-ში გვერდს შეესაბამება დირექტივები:

@ Page, @ Import, @ Implimentes, @ Register, @ Assembly, @ OutputCache, @ Reference.

დირექტივა @ Page

ამ დირექტივით ხორციელდება გვერდისთვის სპეციალური ატრიბუტების მიცემა, რომლებიც გამოიყენება კოპილიატორისა და გვერდის ანალიზატორის მიერ გვერდის შესაქმნელად. ეს დირექტივა შეიძლება გვერდის ნებისმიერ ადგილზე იყოს, მაგრამ როგორც წესი იგი გვერდის დასაწყისშია მოთავსებული. ერთ ფაილიში მხოლოდ ერთი @Page დირექტივა შეიძლება იყოს მოთავსებული. გვერდის Page თვისებები შემდეგია/ცხრ. 2.3/

სარჩევი

დირექტივა @ Import

გამოიყენება სახელების სივრცის ცხადად იმპორტისათვის. ASP.NET 2.0-ში სახელების სივრცის იმპორტი ავტომატურად ხორციელდება.

დირექტივა @ Implimentes

დირექტივა საშუალებას იძლევა რეალიზებული იქნეს .NET ინტერფეისი. ინტერფეისის რეალიზაციისას სისტემას ვატყობინებთ, რომ ჩვენს მიერ დაპროექტებული გვერდი კონკრეტული ინტერფეისის მეთოდებს, თვისებებს და მოველენებს გამოიყენებს. სერვერული მართვის ელემენტის ანალოგიურად სპეციალური მართვის ელემენტის მიერ მოვლენაზე რეაგირების მიზნით რეალიზებული უნდა იქნეს ინტერფეისი IPostBackEventHandler. ამ შემთხვევაში გამოიყენება დირექტივა:

<%@ Implimentes Interface=”System.Web.UI._ IPostBackEventHandler” %>

დირექტივა @ Register

გვერდზე სპეციალური მართვის ელემენტის გამოყენების ფაქტი შეტყობინებული უნდა იქნეს კომპილიატორისთვის. კოპილიატორისთვის აუცილებელი ინფორმაციის მიწოდება ხორციელდება დირექტივით @ Register. დირექტივის ორი ფორმაა. ფორმის ამორჩევა დამოკიდებულია მართვის ელემენტის მდებარეობაზე.

<%@ Register tagprefix=”ტეგის პრეფიქსი” Tagname=”ტეგის სახელი” Src=”მისამართი” %>

<%@ Register tagprefix=”ტეგის პრეფიქსი” NameSpace=”სივრცის სახელი” Assembly=”კრებული” %>

პირველი ფორმით ხორციელდება გვერდზე კლიენტის მართვის ელემენტების მხარდაჭერის დამატება. ატრიბუტით TagPrefix განსაზღვრავს ინდივიდუალი მართვის ელემენტის სახელების სივრცეს გვერდზე მისი გამოყენების დროს. მაგ. თუ გვერდის თავში მოვათავსებთ დირექტივას:

<%@ Register tagprefix=”Ecom” Tagname=”Header” Src=”UserControls_Header.ascx” %>

მაშინ მომხმარებლის მართვის ელემენტის Header ყველა ეგზემპლიარის წინ გვერდზე ჩვენ უნდა მიუთითოთ პრფიქსი Ecom ე.ი.

<Ecom: Header id “Header” runat=”server”/>

ატრიბუტში Tagname ჩაწერილი სახელით ხორციელდება გვერდის შიგნით მართვის ელემენტის მითითება. Src-ში მიეთითება ინდივიდუალური მართვის ელემენტის ფაილი, რომელშიც ჩაწერილია პროგრამის საწყისი ტექსტი.

@Register-ის მეორე ფორმით გვერდზე ხორციელდება ინდივიდუალური სერვერის მართვის ელემენტების დამატება. წარმოებს მათი კომპილაცია და დამატება კრებულში. TagPrefix-ის შინაარსობრივი დატვირთვა პირველი ფორმის იდენტურია. ატრიბუტი NameSpace გვიჩვენებს ინდივიდუალურ მართვის ელემენტების შემცველ სახელების სივრცეს. ატრიბუტი Assembly გვიჩვენებს სახელების სივრცის შემცველ კრებულს.

<%@ Register tagprefix=”Ecom” NameSpace =”Header” Assembly =“datset” %>

datset ინდივიდუალური მართვის ელემენტის სახელია. მისი გამოყენება შემდეგია:

<Ecom: datset runat=”server”/>

სპეციალური მართვის ელემენტის შექმნა

სპეციალური მართვის ელემენტი Web გვერდის იდენტურია მხოლოდ იმ განსხვავებით, რომ იგი არ შეიცავს ტეგებს: <HTML>, <BODY>, <FORM>. იგი თავსდება ამ ტეგების შემცველ გვერდში. მომხმარებლის მართვის ელემენტი შეიძლება შეიცავდეს კლიენტის სცენარს, HTML ელემენტებს, ASD.NET-ის კოდს, სერვერის სხვა მართვის ელემენტებს. იგი იქმნება დამოუკიდებელი .ascx გაფართოების ფაილის სახით და მრავალჯერ შეიძლება გამოყენებული იქნეს სხვადასხვა გვერდებზე. მაგალითად შევქმნათ გვერდის ფორმატიზაციის მართვის ელემენტი:

შევქმნათ ცარიელი გვერდი;
დავიტანოთ გვერდზე მართვის ელემენტი HtmlTable;
ცხრილისთვის დავაყენოთ შრიფტი, უჯრების ჩარჩო და სხვა;

ცხრილის დაპროექტებისას სისტემის მიერ ავტომატურად გენერირდება Html კოდი;

კოდში ამოვშალოთ სტრიქონები <HTML>, <BODY>,<FORM> და დავტოვოთ კოდი, რომელიც ეხება მხოლოდ ცხრილის ფორმირებას, კერძოდ:

<tr>

<td align="center" style="border-top-style: outset; font-family: AcadNusx;

border-right-style: outset;

border-left-style: outset; border-bottom-style: outset">

Cveni pirveli individualuri </td></tr><tr>

<td align="center" style="border-top-style: groove; font-family: AcadNusx;

border-right-style: groove;

border-left-style: groove; border-bottom-style: groove">

marTvis elementi</td></tr><tr><td></td></tr></table>

დავიმახსოვროთ .ascx გაფართოებით. ამ მიზნით მივცეთ ბრძანება File/Save Default.aspx As. გამოვა დიალოგური ფანჯარა, სადაც ველში Save as type მოვნიშნოთ სტრიქონი Web User Control Files და დავაჭიროთ ღილაკს OK;

დამახსოვრებისას ფაილს დავარქვათ სახელი inmar;

ეს ფაილი დავიმახსოვროთ იმავე საქაღალდეში, რომელშიც Web საითს ვქმნით.

ამრიგად ჩვენ შევქმენით ინდივიდუალური (მომხმარებლის) მართვის ელემენტი .ascx გაფართოებით და სახელით inmar. ნებისმიერი გვერდიდან შეიძლება ამ ფაილის გამოყენება. ჩვენს მიერ შექმნილი ინდივიდუალური მართვის ელემენტის გამოსაყენებლად საჭიროა:

@Register დირექტივით გვერდს მივაწოდოთ ინფორმაცია გვერდზე მართვის ახალი ინდივიდუალური ელემენტის გამოჩენის შესახებ. ამ მიზნით გვერდის Html კოდის პირველი სტრიქონის შემდეგ დავწეროთ:

<%@ Register TagPrefix ="wrox" TagName

="footer" Src ="~/inmar.ascx" %>;

მართვის ელემენტი დავამატოთ გვერდზე:

<wrox:footer runat ="server" />

ჩვენს მიერ შექმნილ ინდივიდუალური მართვის ელემენტი დავამატოთ ფორმაში (შეიძლება მისი დამატება გვერდის ნებისმიერ ადგილზე). გვერდზე ჩაწერილი ეს სტრიქონები შემდეგნაირად გამოიყურება:

<%@ Page Language="VB" AutoEventWireup="false" CodeFile="Default.aspx.vb" Inherits="_Default" %>

<!DOCTYPE html PUBLIC "-//W3C//DTD XHTML 1.0 Transitional//EN"

"http://www.w3.org/TR/xhtml1/DTD/xhtml1-transitional.dtd">

<%@ Register TagPrefix ="wrox" TagName ="footer" Src ="~/inmar.ascx" %>

<title>Untitled Page</title></head>

<body>

<wrox:footer runat ="server" /></form></body></html>

Internet Explorer-ში შემდეგნაირად გამოიყურება /სურ. 2.16/

ატრიბუტი	მნიშვნელობა	დანიშნულება
AspCompat	True ან False	საშუალებას იძლევა გაკეთდეს VB-ზე დაწერილ არსებულ COM კომპონენტებთან მიმართვა
AutoEventWireup	True ან False	გვიჩვენებს გვერდების ავტომატურად დაკავშირებას მოვლენებთან
Buffer	True ან False	პასუხის ბუფერიზაციის ნებართვის მიცემა
ClassName	კლასის დასაშვები სახელი	გვერდის შემქმნებლი კლასის სახელი
ClientTarget	User Agent-ის დასაშვები სახელი	ბროუზერი, რომელზეც პროგრამა არის ორიენტირე-ბული
CodePage	კოდური გვერდის დასაშვები სახელი	პასუხის კოდური გვერდის დაყენება
CompileOptions	კომპილიატორის დასაშვები ოპციაგვერდის კომპილიაციის დროს	კომპილიატორის გამოყენებული ოპციების სია
ContentType	დასაშვები MIME ტიპი	პასუხის შინაარსის ტიპის დაყენება
Culture	კულტურის დასაშვები იდენტიფიკატორი	აყენებს ენას, ჩანაწერების და კალენდარის სისტემას
Debung	True ან False	გვერდის კომპილიაცია გამართვის რეჟიმში
Description	არ გამოიყენება
EnableSessionState	True, ReadOnly ან False	ობიქტთან Session შეღწევა. ReadOnly-ს დროს შესაძლებელია წაკითხვა, მაგრამ არ შეიძლება სეანსის ცვლადების შეცვლა
EnableViewState	True ან False ViewState	მხოლოდ სერვე-რის მართვის ელემენტები-სთვისაა
EnableViewStateMac	True ან False	ViewState-ს მიხედვით გვერდის მიერ მანქანის აუტენფიკაცია და კლიენტის მიერ ViewState-ს დამახინჯების შემოწმება
ErrorPage	დასაშვები URL	დაუმუშავებელი შეცდომის შემთხვევაში გვერდზე გადასვლის მისამართი
Explicit	True ან False	გამოიყენება Visual Basic-ის რეჟიმი Option Exsplicit
Inherits	კლასის დასაშვები სახელი	ფონური კოდის კლასი
Language	.NET-ში დასაშვები ენის სახელი	ენა კომპილიატორისთვის
LCID	დასაშვები ლოკალური იდენტიფიკა-ტორი	გვერდის ლოკალური იდენტიფიკატორი, თუ ის განსხვადება Web სერვერის ლოკალური იდენტიფიკა-ტორისგან
ResponseEncoding	სომბოლოების კოდირების სისტემის დასაშვები სახელი	გაგზავნილი პასუხის ტექსტის კოდირების ფორმატი
SmartNavigation	True ან False	ნავიგაციის ნებართვა
Src	საწყისი ფაილის დასაშვები სახელი	ფონური კოდის კლასის სახელი
Strict	True ან False	გამოიყენება Visual Basic Option Strict რეჟიმი
Trace	True ან False	გვერდის ტრასირება ნებადა-რთულია
TraceMode	SortByTime ან SortByCategory	გვერდის შექმნისას გენე-რირებული ტრასირების შეტყობინებების დახარი-სხების წესი
Transaction	NotSupported, Supported, Required, RequiresNew	გვერდის ტრანზაქციის პარა-მეტრების დაყენება
MarningLevel	0, 1, 2, ან 4	კომპილიციის შეწყვეტის შეტყობინების დონის მაჩვენებელი

სურ. 2.16. ჩვენს მიერ დაპროექტებული სპეციალური მართვის ელემენტით გამოტანილი ინფორმაცია